المانجة قالت للعنب ....إتلم يامفرط
مركون ومالك سعر .....على إيه بتتشرط
زعل العنب منها .... وراح مشتكى للموز
وقاله ينفع كده؟.... أوحتى يعنى يجوز
إكمن إسمها زبديه.... تعمل كده في
دا أنا كنت فى العنقود....جميل ولي العجب
بس الزمن دار بي.... ودا شيء على انكتب
فأنا حقى لو ماجانيش..... هاقلبها قلة أدب
وأفضحها فى الأسواق.... دى عديمة الأخلاق
دا الكل داق منها..... والرك على النية
مضروبه فى الخلاط.... مشروبه بالشفاط
ومفيناش عياط وصواط ..... وإتسدى ياعنيا
مش عاملة فيها كيوت..... مش ماشية ليه مظبوط
عوجة ببوز مخبوط.... دا أنا نجم أغنية
أحمر وأصفر فيه.... وأخضر كمان تلاقيه
ماتشوفى غيرى بقى ..... ترمى بلاكى عليه
دا المحشى من ورقى..... والخمرة من مرقى
وإنتى لما تتفلقى...... تتحطى فى زكيبة
دا أنا بيتى تكعيبة...... وعزوتى رهيبة
ورصتى عجيبة...... وليا حبيبة
مش يعنى متمرمط .
ردت عليه المانجة : سامحنى يامفرط .